Add to favourites
News Local and Global in your language
17th of November 2018

Эканоміка



Максім Ермаловіч: Бюджэт 2019 года арыентаваны на рост заробкаў і аддачу ад рэальнага сектара

Бюджэт 2019 года будзе арыентаваны галоўным чынам на павышэнне заработнай платы і рост аддачы ад рэальнага сектара эканомікі. Пра гэта заявіў міністр фінансаў Беларусі Максім Ермаловіч ў эфіры тэлеканала «Беларусь 1», паведамляе БЕЛТА.

Бюджэт 2019 года мае шэраг навацый, сказаў Максім Ермаловіч. «Ключавая задача — дасягненне ўзроўню сярэдняй заработнай платы ў бюджэтным сектары не ніжэй за 80% ад сярэдняй заработнай платы ў сярэднім па краіне. Мы лічым гэта цалкам дасягальным. А затым можна паступова выбудоўваць доўгатэрміновы алгарытм і праграму выхаду на зарплаты ў бюджэтным сектары на сярэднерэспубліканскі ўзровень», — адзначыў Максім Ермаловіч.

Міністр фінансаў падкрэсліў, што краіна ідзе шляхам паступальнага зніжэння дзяржпадтрымкі рэальнага сектара эканомікі. Штогод памер датацый будзе памяншацца на 10%.

«Гэтыя сродкі павінны пераарыентавацца на тыя пытанні, якія бюджэт і павінен вырашыць: дапамагаць будаваць жыллё для насельніцтва, дарогі, укладваць у сацыяльную інфраструктуру, бальніцы, школы, дзіцячыя сады. Таму скарачэнне на 10% дзяржаўнай падтрымкі — гэта ўжо неабходнасць», —- растлумачыў Максім Ермаловіч.

Ён адзначыў, што надыходзіць час, калі рэальны сектар павінен ня падсілкоўвацца з казны, а, наадварот, павялічваць аддачу. «Для гэтага мы цяпер па кожнай галіне, кожнаму прадпрыемству аналізуем бізнэс-планы, глядзім фінансавыя патокі, каб зразумець, наколькі прадпрыемства ў стане абслугоўваць крэдыты самастойна, выходзіць на рэнтабельную працу. Неабходныя сістэмныя захады па навядзенні парадку на прадпрыемствах, аптымізацыі колькасці, скарачэння выдаткаў», — канстатаваў міністр.

У так званых рэгіёнах са складанай эканамічнай сітуацыяй механізм дапамогі таксама будзе зменены.

Замест падатковых прэферэнцый будуць стварацца дадатковыя ўмовы «з пункту гледжання агульнаэканамічных, інвестыцыйных магчымасцяў, прывабнасці гэтых рэгіёнаў, зацікаўленасці мясцовых органаў улады ў развіцці свайго эканамічнага патэнцыялу», — сказаў на заканчэнне Максім Ермаловіч.

Read More




Leave A Comment

More News

http://delo.by -

Народная Воля -

Белорусские

vb.by: Беларусь,

Новости NEG.BY

БДГ Деловая

Национальная и

Disclaimer and Notice:WorldProNews.com is not the owner of these news or any information published on this site.